喺1973年，智利諾貝爾文學獎得主聶魯達（Pablo Neruda）據官方報導因為攝護腺癌及營養不良而去世，當時呢個消息並未引起太大轟動，但歷年都有唔少人懷疑佢嘅真正死因。時隔半世紀，終於就有一份法醫報告可以證實到佢嘅真正死因，阿史今次就同大家講一講啦１
其實早喺2011年，聶魯達嘅司機就曾經透露，聶魯達喺聖地牙哥醫院治療時就表達自己曾經喺訓覺嘅時候被人對佢嘅肚注入藥物，幾個鐘後佢就無故死亡，佢嘅侄仔亦都深信佢係死於謀殺。時間去到2015年，聶魯達遺骸檢體就被送到四個國家法醫實驗室進行分析。
喺時隔半個世紀之後，呢位在1971年獲得諾貝爾文學獎嘅人物就被證實，喺佢離世之時體內係具有有毒嘅肉毒桿菌，顯示佢當時係被毒死嘅。而被毒死嘅原因，相信就係因為聶魯達積極參加智利民主運動而且仲加入智利共產黨，結果就捲入美國支持下所發動嘅軍事政變。
原圖嚟自網絡